შინაგან საქმეთა სამინისტროს ინფორმაციით, ჩატარებული საპოლიციო ღონისძიებების შედეგად, წინასწარი შეცნობით არასრულწლოვანის გამოსახულების შემცველი პორნოგრაფიული ნაწარმოების შეძენა-შენახვა-ფლობისა და გავრცელების ბრალდებით არასრულწლოვანი დააკავეს.
გამოძიების ცნობით, ბრალდებულმა სოციალური ქსელების ღია პროფილებიდან სხვადასხვა პირის, მათ შორის არასრულწლოვანთა, ფოტოსურათები ჩამოტვირთა. უწყების ინფორმაციით, აღნიშნული ფოტოები პროგრამული უზრუნველყოფის გამოყენებით დაამონტაჟა, მათ არასრულწლოვანის გამოსახულების შემცველი პორნოგრაფიული მასალის იერსახე მიანიჭა და შეურაცხმყოფელ ტექსტებთან ერთად ერთ-ერთ სოციალურ ქსელში გაავრცელა.
გამოძიება საქართველოს სისხლის სამართლის კოდექსის 255-ე მუხლის მე-3 და მე-4 ნაწილებით მიმდინარეობს, რაც 15 წლამდე ვადით თავისუფლების აღკვეთას ითვალისწინებს.
