აჭარაში, 2024 წლის 26 ოქტომბრის არჩევნები ძველი წესით, 66 საარჩევნო უბანზე ჩატარდება, ამის შესახებ “აჭარა თაიმს” უსკოში განუცხადეს. საარჩევნო უბნები ძირითადად მაღალმთიან აჭარაშია, რომელთა თანამედროვე ტექნოლოგიებით აღჭურვა ამ ეტპზე ვერ მოხერხდა. მიზეზი ამომრჩეველთა სიმცირე და მაღალმთიანი დასახლებებია.
უბნები და ოლქები, სადაც ამომრჩევლები კენჭისყრაში მონაწილეობას, თანამედროვე ტექნოლოგიების გამოყენებით წელს ვერ შეძლებს:
» ქობულეთი- 81 ოლქი, უბანი: 26;
» ხელვაჩაური – 83 ოლქი, უბანი: 09; 37; 38; 39;
» ქედა – 80 ოლქი, უბანი: 03; 05; 06; 08; 09; 18; 20; 23;
» შუახევი – 82 ოლქი, უბანი: 02; 07; 08; 11; 12; 13; 18; 19; 21; 22; 24; 25; 26; 27; 29; 30; 31; 32; 33; 34; 35; 36; 37; 40; 44; 45; 46; 47; 48;
» ხულო – 84 ოლქი, უბანი: 19; 20; 21; 22; 28; 29; 30; 31; 32; 33; 34; 35; 37; 41; 42; 43; 44; 45; 46; 47; 50; 51; 52; 53;
ინფორმაციისთვის: 2024 წლის არჩევნებში ამომრჩეველთა თითქმის 90% ხმას ელექტრონული ტექნოლოგიების გამოყენებით მისცემს.
საარჩევნო ადმინისტრაციაში განმარტავენ, რომ ელექტრონული საშუალებების გამოყენებით არჩევნები ჩატარდება ყველა თვითმმართველ ქალაქსა და თვითმმართველი თემების მუნიციპალიტეტების ადმინისტრაციული ცენტრების ტერიტორიაზე არსებულ ყველა საარჩევნო უბანზე, ასევე, იმ საარჩევნო უბნებში, სადაც რეგისტრირებულ ამომრჩეველთა რაოდენობა აღემატება 300 ამომრჩეველს და ამავდროულად შესაბამის საუბნო საარჩევნო კომისიის მისამართსა და საოლქო საარჩევნო კომისიის მისამართს შორის მანძილი არ აღემატება 20 კმ-ს.
“იმ საარჩევნო უბნებში კი, სადაც არ იქნება განთავსებული საარჩევნო ბიულეტენების ელექტრონული მთვლელი, საუბნო საარჩევნო კომისია ცესკოს დადგენილებით, საარჩევნო ბიულეტენების დათვლის პროცესში განახორციელებს საარჩევნო ბიულეტენების ციფრულ ფორმატში გადაყვანას შესაბამისი ელექტრონული მოწყობილობების საშუალებით. საარჩევნო ბიულეტენების ციფრულ ფორმატში გადაყვანილი ვერსია განთავსდება ინტერნეტსივრცეში საარჩევნო უბნების მიხედვით და მათი გაცნობა შეეძლება ნებისმიერ დაინტერესებულ პირს,” – აცხადებენ ადმინისტრაციაში.
