“აჭარა თაიმსის” ინფორმაციით, აჭარის ფინანსთა და ეკონომიკის მინისტრის მოადგილედ რესან კონცელიძე დანიშნეს. კონცელიძე უფლებამოსილებას უკვე შეუდგა.
ჩვენს ზარებს უწყების საზოგადოებასთან ურთიერთობის სამსახურში არ უპასუხეს. ტელეფონს არც რესან კონცელიძე პასუხობს.
ცნობისთვის: აჭარის მთავრობამ სამინისტროებში მინისტრის მოადგილეების დამატებითი თანამდებობები წელს შექმნა.
დებულების მიხედვით, მინისტრებს თანამდებობაზე ნიშნავს და ათავისუფლებს მთავრობის თავმჯდომარე. ასევე, მინისტრის მოადგილეებსაც მთავრობის თავმჯდომარე ნიშნავს მინისტრის წარდგინებით.
ინფორმაციისთვის: რესან კონცელიძე არის საქართველოს მე-10 მოწვევის პარლამენტის წევრი, ბათუმის მაჟორიტარი დეპუტატის სტატუსით. მან დაამთავრა სსრკ შსს მოსკოვის მილიციის უმაღლესი სკოლა სამართალმცოდნეობის სპეციალობით.
1993 წლიდან 2020 წლის აგვისტომდე კონცელიძე მუშაობდა აჭარის პოლიციისა და პროკურატურის სხვადასხვა მაღალ თანამდებობებზე, მათ შორის იყო აჭარის შინაგან საქმეთა მინისტრის მოადგილე, აჭარის პროკურორი და აჭარის პოლიციის დეპარტამენტის დირექტორის მოადგილე.
კონცელიძეების სამშენებლო ბიზნესი ბათუმში და საეჭვო კორუფციული სქემა
