შინაგან საქმეთა სამინისტროს ინფორმაციით, ბათუმში დააკავეს თურქეთის რესპუბლიკის მოქალაქე, 1974 წელს დაბადებული ა.ჩ., რომელიც საერთაშორისო დონეზე იძებნებოდა.
უწყების ცნობით, დაკავებული ინტერპოლის წითელი ცირკულარით იყო ძებნილი თურქეთის სამართალდამცავი ორგანოების მოთხოვნის საფუძველზე. მას მძიმე დანაშაულის ჩადენა ედება ბრალად.
უწყებაში აცხადებენ, რომ ამ ეტაპზე დაკავებულის მიმართ მიმდინარეობს კანონით გათვალისწინებული საექსტრადიციო პროცედურები.
