ბათუმში ფრენბურთის საერთაშორისო ტურნირი „ბათუმის თასი 2026“ მიმდინარეობს. შეჯიბრება ორ ასაკობრივ კატეგორიაში (2010-2011 და 2012-2013 წლებში დაბადებულთა შორის), გოგონებსა და ბიჭებს შორის იმართება.
ტურნირში ქართულ გუნდებთან ერთად ლატვიის, თურქეთისა და სომხეთის წარმომადგენლებიც ასპარეზობენ.
გოგონათა შორის შეჯიბრება ჯგუფური სისტემით მიმდინარეობს, ბიჭებს შორის კი, წრიული სისტემით.
„ბათუმის თასი 2026“ 6 ოქტომბერს დაიწყო და 11 ოქტომბრამდე გაგრძელდება. მატჩები ბათუმის სპორტის სასახლეში იმართება.
ავტორი: დიმიტრი გორგილაძე
