”ჩაწიე კამერა და გეტყვი,” – ასე უპასუხა აჭარის მთავრობის თავმჯდომარემ კითხვას, თუ როდის აშენდება ბათუმში ახალი მეჩეთი. თორნიკე რიჟვაძემ “აჭარა თაიმსის” კითხვებს არ უპასუხა და განმარტა, რომ ამ თემაზე მეჩეთში გამოსვლისას ისაუბრა, რაც სიმართლეს არ შეესაბამება.
[embedyt] https://www.youtube.com/watch?v=oAPCI0olxYQ[/embedyt]
რიჟვაძემ მორწმუნეებთან ხულოს მეჩეთისა და ორთაჯამეს რეაბილიტაციის პროცესზე ისაუბრა. მეჩეთში ყოფნისას თორნიკე რიჟვაძეს ანალოგიური კითხვით სამოქალაქო აქტივისტებმა მიმართეს, ამ შემთხვევაშიც აჭარის მთავრობის თავმჯდომარემ კითხვა დააიგნორა და ზოგადი კომენტარით შემოიფარგლა.
„პირველ რიგში ბაირამი მინდა მოგილოცოთ. მეტი მშვიდობა და ურთიერთპატივისცემა უნდა იყოს ერთმანეთის მიმართ. ამ ურთიერთპატივისცემის ფონზე გადაწყდება ყველა დაგროვილი საკითხი,” – განაცხადა თორნიკე რიჟვაძემ მორწმუნეების წინაშე.
[embedyt] https://www.youtube.com/watch?v=WzVN01l_D5M[/embedyt]
მუსლიმებს რამადან ბაირამის აღნიშვნა დღესაც, ღია ცის ქვეშ, წვიმაში მოუწიათ. აჭარის მთავრობის წარმომადგენლები წვიმაში მყოფ მორწმუნეებს გადახურული სივრციდან უყურებდნენ.
[embedyt] https://www.youtube.com/watch?v=brSEupiiw88[/embedyt]
ინფორმაციისთვის: ბათუმში ახალი მეჩეთი მთავრობი ხელშეშლისა და სასამართლო პროცესების გაჭიანურების გამო ვერ შენდება.
აქვე დაგაინტერესებთ: ღორის თავი მედრესეს კარებზე – მუსლიმების საჩივარზე ევროსასამართლომ დარღვევა დაადგინა
