8 ივნისს, ბათუმში, თბილისური საღამოა: ახალ ბულვარში მდებარე მულტიფუნქციური ვენიუს — G17-ის სცენა ქალაქური სიმღერებით განთქმულ შემსრულებლებს — ნატო გელაშვილს და ჭოხოებს ეგებება, ზუკა ხუციშვილთან და ბენდთან ერთად!
რომანტიკული ხასიათის კომპოზიციებით გამორჩეული მუსიკოსები ნატო გელაშვილის საავტორო კომპოზიციებს და საკულტო ქართულ სიმღერებს შეასრულებენ, კონცერტის დასრულების შემდეგ კი დაკვრას G17-ის რეზიდენტი დიჯეი Cheeky გააგრძელებს.
კონცერტის შესახებ დეტალებისთვის დაუკავშირდით G17-ის Whatsapp-ასისტენტს: 511 44 17 17; ონლაინ-რეზერვაციისთვის კი ეწვიეთ ბმულს: tkt.ge/NatoGelashvilatG17
G17 ბათუმის ახალ ბულვარში, ზღვაში შეჭრილ ხიდზე კონსტრუირებული კონცეპტუალური სივრცეა, რომელიც სავახშმო, ლაუნჯის, ბარის, სცენის და კაფის ჩანართებითაა დაგეგმარებული და სტუმრებს, რაფინირებული ვახშმისა და მუსიკის ცოცხალი შესრულების გამოცდილებასთან ერთად, სტუმარ-მასპინძლობის პერსონალიზირებულ მომსახურებებს და თანამედროვე ხელოვნების ნიმუშებით შექმნილ ინსტალაციებს სთავაზობს.
GTEM-ჯგუფში შემავალი სხვა ვენიუების მსგავსად, G17-ი ვიზიტორებს ცოცხალი შესრულების უპრეცედენტო შეგრძნებას ჰპირდება, ხმის და განათების სისტემების ისეთ საერთაშორისო მარკებთან თანამშრომლობით, როგორიცაა Clair Brothers, DiGiCo, SHURE-ის Axient Digital, Sennheiser; ხმის ინჟინერიის და განათების საერთაშორისო გუნდი კი გამოცდილია ისეთი მასშტაბის ვარსკვლავების შოუებზე, როგორიცაა თინა ტერნერი, ელტონ ჯონი, სტინგი, ჯენიფერ ლოპესი, შაკირა, Pink Martini, ანტონი რემოსი, ეროს რამაზოტი და ა.შ.
