ბეშუმში, სახალხო დღესასწაულის ფარგლებში, პრემიერმა წყვილს ოქროს ბეჭედი გადასცა, რაც იურისტების შეფასებით ამომრჩეველთა მოსყიდვის ნიშნებს შეიცავს.
“შუამთობის” ფარგლებში, ტრადიციულად, იმიტირებული ნიშნობის ცერემონია გაიმართა.
“სამართლიანი არჩევნების” იურისტის თქმით, როცა სახალხო დღესასწაულს მაღალი თანამდებობის პირები მსგავსი აქტივობისთვის იყენებენ პრობლემურია.
“მსგავსი ფაქტები სახალხო დღესასწაულებზე ხშირია, თუმცა ყველა შემთხვევა ინდივიდუალურ გამოკვლევას საჭიროებს. პირველადი შეფასებით, რადგან წინასაარჩევნო პერიოდია და ამ პროცესში მმართველი პარტიის ხელმძღვანელი პირი მონაწილეობს, ეს პრობლემურია. ეს ფაქტი შეიცავს ამომრჩევლის მოსყიდვისა და დანაშაულის ნიშნებს,” – განაცხადა “აჭარა თაიმსთან” საუბრისას თათია ქინქლაძემ.
ხულოს მერიაში განმარტეს, რომ მათ მიერ ორგანიზებული ღონისძიებისთვის ოქროს ბეჭედი მუნიციპალიტეტს არ შეუძენია. ცნობისთვის, გასულ წლებში, მექორწილე წყვილისთვის ძვირფასეულობას ხულოს მერია ყიდულობდა.
ინფორმაციისთვის: “შუამთობის” დღესასწაულზე იმიტირებული ნიშნობის ცერემონიალი ტრადიციულად იმართება.
„შუამთობის“ დღესასწაული ტრადიციულად აგვისტოს პირველ შაბათ-კვირას ტარდება.
