2023 წლის იანვრიდან ნოემბრამდე თურქეთს 52 მილიონ 742 ათასი ვიზიტორი ეწვია, ამის შესახებ ინფორმაციას კულტურისა და ტურიზმის სამინისტრო ავრცელებს. საქართველოს მეზობელ ქვეყანაში ყველაზე მეტი ვიზიტორი რუსეთიდან, გერმანიიდან და ინგლისიდან დაფიქსირდა.
სტატისტიკის მიხედვით, ვიზიტორების უმეტესობა უცხოელი იყო, 46 მილიონ 725 ათას 424. გასული წლის ანალოგიურ პერიოდთან შედარებით თურქეთში უცხოელი ვიზიტორების რაოდენობა 10,82 პროცენტით გაიზარდა.
ქვეყნების ჩამონათვალი, საიდანაც ტურისტები თურქეთში ჩადიან:
რუსეთის ფედერაცია, გერმანია და ინგლისი (გაერთიანებული სამეფო) გამოირჩევიან იმ ქვეყნებიდან, რომლებიც ყველაზე მეტ ვიზიტორს აგზავნიან თურქეთში. პირველ ადგილზეა რუსეთი 6 მილიონ 83 ათას 696 ვიზიტორით, მეორე ადგილზეა გერმანია 5 მილიონ 959 ათას 843 ვიზიტორით, მესამეზე კი ინგლისი 3 მილიონ 711 ათას 802 ვიზიტორით. ამ ქვეყნებს მოსდევს ბულგარეთი და ირანი.
სტატისტიკის თანახმად, ნოემბერში თურქეთში, უცხოელი ვიზიტორების რაოდენობამ 2 მილიონ 525 ათას 345 შეადგინა. ამ თვეში ყველაზე მეტი ვიზიტორის მქონე ქვეყნების სიაში პირველი ადგილი დაიკავა რუსეთის ფედერაციამ, მეორეზე გერმანიამ, მესამეზე ბულგარეთი, მეოთხეზე ირანი და მეხუთეზე საქართველომ.
