ბათუმში, აეროპორტის დასახლებას კიდევ ერთი ახალი სკვერი შეემატა, რომელიც ანწუხელიძისა და ადლიის ქუჩების გზაჯვარედინთან მდებარეობს, ამის შესახებ ბათუმის მერია იტყობინება და შესაბამის ინფორმაციას ავრცელებს.
უწყების ცნობით, ტერიტორიაზე მოეწყო დასასვენებელი სივრცე, საბავშვო ატრაქციონები და ტრენაჟორები, ასევე, დამონტაჟდა გარეგანათების სისტემა და განთავსდა საპარკო ინვენტარი. პროექტის ღირებულება 430 ათას ლარს აღემატება.
ბათუმის მერის თქმით, ტერიტორიაზე ხეებისა და მცენარეების დარგვა დაიწყო. მრავალფუნქციურ სივრცეში კი, ნებისმიერი ადამიანი შეძლებს განტვირთვას, დასვენებასა და სხვადასხვა ფიზიკური აქტივობით დაკავებას.
