ქობულეთში პოლიციამ განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით ორი პირი – 1989 წელს დაბადებული ბ.ვ. და 1980 წელს დაბადებული ზ.ბ. დააკავა.
როგორც შინაგან საქმეთა სამინისტროს აჭარის პოლიციის დეპარტამენტის ქობულეთის რაიონული სამმართველო აცხადებს, ორივე პირი წარსულში ნასამართლევია.
შსს-ს ცნობით, პირადი ჩხრეკისას სამართალდამცველებმა ნივთმტკიცებად ამოიღეს განსაკუთრებით დიდი ოდენობით ნარკოტიკული საშუალება „მეთადონი“. მიღებული მასალების საფუძველზე ორივე პირი ბრალდებულის სტატუსით არის დაკავებული.
გამოძიება მიმდინარეობს სისხლის სამართლის კოდექსის 260-ე მუხლით, რაც განსაკუთრებით დიდი ოდენობით ნარკოტიკული საშუალების უკანონო შეძენა-შენახვას გულისხმობს და 20 წლამდე ან უვადო თავისუფლების აღკვეთას ითვალისწინებს.
