შინაგან საქმეთა სამინისტროს ინფორმაციით, ნარკოტიკული საშუალების შემცველი მცენარის უკანონო დათესვა-მოყვანისა და კულტივირების ბრალდებით, სამართალდამცველებმა რუსეთის ფედერაციის მოქალაქე, 2000 წელს დაბადებული ნ.კ. დააკავეს.
უწყების ცნობით, გამოძიებით დადგინდა, რომ ბრალდებულს დროებით საცხოვრებელ სახლში მოწყობილი ჰქონდა სპეციალური სათბური, სადაც კანაფის უკანონო მოყვანას ახდენდა. სამართალდამცველებმა ჩატარებული საგამოძიებო მოქმედებების შედეგად ნივთმტკიცებად 11 ძირი მცენარე კანაფი ამოიღეს.
საქმეზე გამოძიება საქართველოს სისხლის სამართლის კოდექსის 265-ე პრიმა მუხლის პირველი ნაწილით მიმდინარეობს, რაც ნარკოტიკული საშუალების შემცველი მცენარის უკანონო დათესვა-მოყვანასა და კულტივირებას გულისხმობს და სასჯელის სახით 6 წლამდე ვადით თავისუფლების აღკვეთას ითვალისწინებს.
