ქობულეთის მუნიციპალიტეტში ხალხმრავალი აქცია გაიმართა. ადგილობრივები მემკვიდრეობით მიღებული ტერიტორიების გასხვისებას აპროტესტებენ. მათ დღეს, რამდენიმე წუთით საავტომობილო გზა გადაკეტეს და სატრანსპორტო მიმოსვლა შეაფერხეს.
სოფელ ბობოყვათში გამართულ აქციას 10 გვარის წარმომადგენელი ესწრებოდა. მათი თქმით, ტერიტორიები, რასაც ისინი წლებია სარგებლობდნენ ბიზნესმენმა, გიორგი რამიშვილმა, მეტსახელად “ზარალამ” შეიძინა. ადილობრივები ამბობენ, რომ ზღვის სანაპიროზე, სახელმწიფომ მიწა ისე გაასხვისა ამის შესახებ მათ ინფორმაცია არ გააჩნიათ.
მოსახლეობა ბიზნესმენთან შეხვედრასა და მოლაპარაკებას ითხოვს, თუმცა როგორც თავად ამბობენ მიწის ამჟამინდელი მეპატრონე დიალოგზე უარს აცხადებს. აქცია, რომელიც უფლებადამცველ თამაზ ბაკურიძის ორგანიზებით გაიმართა გამაფრთხილებელი იყო. მათი თქმით, მორიგ ჯერზე უფრო რადიკალურ ზომებს მიიღებენ.
ინფორმაციისთვის: ბობოყვათში, სანაპიროზე, 15 ჰექტარამდე ტერიტორია სახელმწიფომ კერძო პირზე გაასხვისა. მიწას ადგილობრივები წლების განმავლობაში საყანედ იყენებდნენ. ადგილობრივთა მოთხოვნებსა და პროტესტს რეგიონის ხელისუფლება და მიწის მესაკუთრე არ გამოხმაურებიან.
