საავტომობილო გზების დეპარტამენტის ინფორმაციით, ფრიდონ ხალვაშის ქუჩაზე მოძრაობა რამდენიმე დღით შეიზღუდება, ამის მიზეზი კი ბათუმის შემოვლითი გზისა და ანგისა ახალციხისმაგისტრალის დაერთების სამუშაოებია.
სამინისტროში განმარტავენ, რომ დროის აღნიშნულ პერიოდში, ავტოტრანსპორტი ჭოროხის ქუჩაზე გამავალი ადგილობრივი მნიშვნელობის საავტომობილო გზის გამოყენებით იმოძრავებს.
“ბათუმის შემოვლითი საავტომობილო გზის მშენებლობის ფარგლებში, შიდასახელმწიფოებრივი მნიშვნელობის ბათუმი(ანგისა)-ახალციხის საავტომობილო გზის მე-4 კმ-ზე დაგეგმილი ბათუმის შემოვლითი გზის – ბათუმი-ახალციხის საავტომობილო გზასთან დაერთების სამუშაოების გამო, 1-ელი ოქტომბრიდან, 5 დღის განმავლობაში, აღნიშნული გზის კმ1-კმ8 (ანგისას ქუჩა- ე.წ. “მახოს ხიდი”) მონაკვეთზე დროებით ყველა სახის ავტოტრანსპორტის მოძრაობა შეიზღუდება, გარდა ადგილობრივი მცხოვრებლების მსუბუქი ავტოტრანსპორტისა,” – წერია უწყების მიერ გავრცელებულ ინფორმაციაში.
აქვე დაგაინტერესებთ: ბათუმის შემოვლითი გზის ურთულესი პროექტი ბევრი გამოწვევის მიუხედავად, წელს დასრულდება – მინისტრი
