მეტეოროლოგის პროგნოზით, საქართველოში ზამთრის ცივი დღეები მოგონებას ჩაბარდება და ახალ ისტორიას გაზაფხულის მშვენიერი კვირტები დაწერს.
კობა ფარტენაძე სოციალურ ქსელში წერს, რომ პირველ რიგში აუხლოესი დღეების პროგნოზი ასეთია; მომდევნო 3 დღის განმავლობაში მთელს ქვეყანაში უნალექო ამინდი იქნება, მეტნაკლებად დაგვითბება, მაგრამ არა საგრძნობლად, დასავლეთში სუსტი ქარი იქროლებს, აღმოსავლეთში კი დასავლეთის ძლიერი ქარია მოსალოდნელი.
“შაბათ-კვირას ტემპერატურა მომატებას დაიწყებს და მომდევნო კვირის ცალკეულ დღეებში ზოგან +20 გრადუსს გადააჭარბებს, ანტიციკლონი მზიან და უღრუბლო დღეებს გრძელვადიანი პერსპექტივით გვაჩუქებს. აქვე გეტყვით იმასაც, რომ ვინაიდან დათბობა იწყება ნელა, იმ რეგიონებში სადაც ამჟამად მაღალი თოვლის საფარია, რაიმე საფრთხის წინაპირობა ამ გადასახედიდან არ არსებობს,” – ამბობს მეტეოროლოგი.
