სურსათის ეროვნული სააგენტოს ინფორმაციით, ინსპექტორებმა არაგეგმიური ინსპექტირების შედეგად თევზის შესაბოლი არალეგალური საწარმო გამოავლინეს. ბიზნესოპერატორი ზ. ჭ. საქმიანობას ახორციელებდა საჯარო რეესტრის ეროვნული სააგენტოში რეგისტრაციისა და კანონმდებლობით გათვალისწინებული აღიარების გარეშე.
ინსპექტირებისას ასევე გამოვლინდა არაერთი კრიტიკული შეუსაბამობა. კერძოდ, დაფიქსირდა ჰიგიენური ნორმების დარღვევა, დაბინძურებული ინვენტარი და თევზის გალღობა მიმდინარეობდა რისკისშემცველი მეთოდით.
აღნიშნული დარღვევების გამო, მოქმედი კანონმდებლობის შესაბამისად, ბიზნესოპერატორი დაჯარიმდა. ასევე, კრიტიკული შეუსაბამობების სრულად აღმოფხვრამდე საწარმოო პროცესი შეუჩერდა.
