2024 წლის ბიუჯეტში, რომელიც ბათუმის საკრებულომ 19 დეკემბერს უნდა მიიღოს, პირველკლასელთა კვება არ არის გათვალისწინებული. სოციალური პროგრამა, რომელსაც მსოფლიოს მასშტაბით 85 ქვეყანა იყენებს, სახელისუფლებო გუნდმა მთავარ საფინანსო დოჯუმენტში არ გაითვალისწინა.
ინფორმაციისთვის, ბათუმში 3 ათას 360 პირველკლასელია. იმ შემთხვევაში, თუ ბათუმის საკრებულოს უმრავლესობის წევრები “ქართული ოცნებიდან” მომავალი წლის ბიუჯეტში, სკოლის მოსწავლეების უფასო კვებას გაითვალისწინებდა, მუნიციპალიტეტს 1 989,900 ლარი დაუჯდებოდა. ეს თანხა მთლიანი ბიუჯეტის 0,5%-ს შეადგენს.
“ერთიანი ნაციონალური მოძრაობის” წევრი და საკრებულოს დეპუტატი, თეკლა კავაზაშვილი მოზარდთა სკოლაში კვების აუცილებლობაზე საუბრობს. მისი თქმით, თუ “ქართული ოცნება” აღნიშნულ სოციალურ პროექტს არ გაითვალისწინებს, 2024 წლის ბიუჯეტის მიღებას მხარს არ დაუჭერს.
“19 დეკემბერს ბათუმის საკრებულომ წლის მთავარი ფინანსური დოკუმენტი-ბიუჯეტი უნდა მიიღოს, თუმცა ამ ბიუჯეტში არ არის გათვალისწინებული არც ერთი ჩვენი წინადადება, რომელიც მოვამზადეთ და წარვუდგინეთ საკრებულოს და მერიას, მათ შორის ისეთი მნიშვნელოვანი საკითხი როგორიც სკოლებში პირველკლასელთა კვებაა. აღნიშნული პროგრამა სოციალურად დაცვის ხანგრძლივი ინსტრუმენტია და მას 85 ქვეყანა იყენებს.
დღეს, ბათუმში პირველკლასელთა 3360 მოსწავლეა, იმისთვის, რომ ეს პროგრმაა ამოქმედდეს 1 989,900 ლარის გამოყოფაა საჭირო, რაც ბათუმის ბიუჯეტის 0’5 % ია. მივმართავ ჩვენ კოლეგებს, გაიაზრონ ამ ოროგრამის დადებითი მხარეები და ის სიკეთე რასაც სკოლის მოსწავლეები მიიღებენ, დაეთანხმონ ჩვენ ინიციატივას, წინააღმდეგ შემთხვევაში არ და ვერ დავუჭერთ მხარს არსებულ ბიუჯეტის პროექტს,” – ამბობს თეკლა კავაზაშვილი.
