ბათუმში GDS Park Drift-ის ფინალური ეტაპი, „Batumi Drift Grand Final“, გაიმართა. შეჯიბრებაში საქართველოს მასშტაბით 33 მრბოლელი მონაწილეობდა.
როგორც ტურნირის ერთ-ერთმა ორგანიზატორმა, გიგი ტუღუშმა, გვითხრა, GDS Park Drift-ის სერიის მიზანია საქართველოში დრიფტის კულტურის განვითარება და ავტომოყვარულებს შორის უსაფრთხო ტერიტორიებზე რბოლის პოპულარიზაცია.
„ჩვენი მთავარი მიზანია, დრიფტის კულტურა რაც შეიძლება განვითარდეს, ახალი სისხლი აღმოვაჩინოთ და ბევრი ადამიანი მოვწამლოთ უსაფრთხო ტერიტორიაზე რბოლით და არა ქუჩებში“, – აღნიშნა გიგი ტუღუშმა.
GDS Park Drift-ის 2026 წლის სეზონის ეტაპი ბათუმში პირველად ჩატარდა. მიმდინარე სეზონში რბოლა ხუთ ქალაქში: რუსთავში, ფოთში, ქუთაისში, ზუგდიდსა და ბათუმში გაიმართა.
„ჩვენ ერთადერთები ვართ, ვინც მთელი საქართველოს მასშტაბით ვატარებთ ღონისძიებებს. ეს დაიწყო რუსთავის ავტოდრომზე, გაგრძელდა ფოთის ცენტრალურ მოედანზე, ქუთაისში, ზუგდიდში და ფინალი ტარდება ბათუმში“, – აღნიშნა „საქართველოს დრიფტის სერიების“ დამფუძნებელმა, გიგი ტუღუშმა.
GDS Park Drift 2026 „საქართველოს დრიფტის სერიების“, „Betlive“-ისა და „BMW Club Georgia“-ს ორგანიზებით გაიმართა.
ავტორი: დიმიტრი გორგილაძე
