აჭარის კულტურული მემკვიდრეობის დაცვის სააგენტოს ინფორმაციით, დასრულდა ბათუმის ღვთისმშობლის შობის სახელობის ტაძრის ისტორიული ვიტრაჟების რეაბილიტაცია. უწყების ცნობით, ვიტრაჟების აღდგენის პროცესი წელიწად-ნახევრის განმავლობაში მიმდინარეობდა და ტაძრის სარეაბილიტაციო სამუშაოების მესამე ეტაპს წარმოადგენდა.
პირველი და მეორე ეტაპების ფარგლებში განხორციელდა ტაძრის ფასადის ქვის ზედაპირის კონსერვაცია, ინტერიერში დაზიანებული კედლის მხატვრობის რეკონსტრუქცია და გარე განათების სისტემის მოწყობა. სააგენტოს ინფორმაციით, ამჟამად მომზადების ეტაპზეა ტაძრის ადაპტაციისა და ეზოს კეთილმოწყობის სამუშაოების პროექტი, რომლის განხორციელებაც მომდევნო ეტაპზე იგეგმება.
