„აჭარა თაიმსის“ ინფორმაციით, ბათუმში, ფრიდონ ხალვაშის ქუჩაზე ავტოსაგზაო შემთხვევა მსხვერპლით დასრულდა. ავარიის შედეგად დაიღუპა არასრულწლოვანი, დაშავდა სამი პირი. ჩვენი ინფორმაციით, მძღოლი პოლიციაში გადაიყვანეს.
შემთხვევის ფაქტზე გამოძიება საქართველოს სისხლის სამართლის კოდექსის 276-ე მუხლით მიმდინარეობს.
ცნობისთვის, ფრიდონ ხალვაშის ქუჩაზე ავტოსაგზაო შემთხვევები ხშირია. პრობლემას წარმოადგენს ინფრასტრუქტურაც, საერთაშორისო მნიშვნელობის მაგისტრალის ამ მონაკვეთზე არ არის მოწყობილი ტროტუარები და გარეგანათება, გზის გარკვეული ნაწილი კი დაზიანებულია.
