ბათუმში მძღოლმა ქვეითს გადაადგილების საშუალება არ მისცა და მასზე ფიზიკურად იძალადა, ამის შესახებ AJARATIMES.GE-ის ფაქტის თვითმხილველები უყვებიან.
შემთხვევა პუშკინისა და ჯავახიშვილის ქუჩების გზაჯვარედინზე მოხდა.
უცხო ქვეყნის მოქალაქეები ქუჩის გადაკვეთას ზებრაზე ცდილობდნენ, თუმცა მათ, ამის შესაძლებლობა მძღოლმა არ მისცა, წინააღმდეგობის გაწევის შემდეგ კი მანქანიდან ორი ადამიანი გადმოვიდა და ქვეითებს ფიზიკურად გაუსწორდნენ.
ინციდენტის შემდეგ მძღოლი შემთხვევის ადგილიდან გაიქცა, თუმცა დაზარალებულებმა მანქანის გადაღება და ნომრის იდენტიფიცირება მოასწრეს.
დაშავებულებმა მომხდარის გამო პოლიცია გამოიძახეს. შსს-გან დამატებით ინფორმაციას ველოდებით.
ინფორმაციისთვის: მსგავსი ფაქტი ორი დღის წინ, პუშკინისა და 26 მაისის ქუჩების გზაჯვარედინზეც მოხდა. ამ შემთხვევაშიც მძღოლმა, ქვეითს ზებრაზე გადაადგილების საშულება არ მისცა, რასაც დაპირისპირება მოჰყვა.
