ბათუმის 4 სილამაზის სალონში სანიტარულ-ჰიგიენური ნორმების დარღვევა დაფიქსირდა, ამის შესახებ მუნიციპალური ინსპექცია იტყობინება. უწყების ცნობით, სილამაზის სალონებსა და ესთეტიკურ ცენტრებში სანიტარულ-ჰიგიენური მდგომარეობის გეგმიური მონიტორინგი მინდინარეობს.
როგორც ბათუმის მუნიციპალურ ინსპექციაში განმარტავენ, ტექნიკური რეგლამენტის შესაბამისად მოწმდება დეზინფექციისა და სტერილიზაციის რეჟიმი, სახიფათო ნარჩენების შეგროვება და პერსონალის ჰიგიენის წესების დაცვა.
“მონიტორინგს მუნიციპალური ინსპექციის, სანიტარული ზედამხედველობის განყოფილება შერჩევითობის პრინციპით ახორციელებს.
სანიტარული ნორმის დარღვევის ფაქტზე 4 ობოექტის მიმართ სამართალდარღვევის ოქმი შედგა,” – აცხადებენ უწყებაში.
ინფორმაციისთვის: ბათუმის ტერიტორიაზე, ამ ეტაპზე 300-ზე მეტი სილამაზის სალონი ფუნქციონირებს.
