ბათუმში, ძლიერმა ქარმა საცხოვრებელი კორპუსების გარდა სახურავი ბსუ-ს შენობასაც გადახადა. უნივერსიტეტის სასწავლო კორპუსზე, როგორც ადმინისტრაციაში აცხადებენ, თუნუქის საერთო ფართის 2/3-ია დაზიანებული.
“მთელი ღამის განმავლობაში მობილიზებული იყო მერიის შესაბამისი სამსახურები და უნივერსიტეტის პერსონალი. მიმდინარეობს სალიკვიდაციო ღონისძიებები, რათა მაქსიმალურად დაცული იქნას უნივერსიტეტის ინფრასტრუქტურა. პარალელურად მიმდინარეობს სტიქიის შედეგად მიყენებული ზარალის დათვლა, მოკლე დროში სარეაბილიტაციო სამუშაოების დასაწყებად,” – აცხადებენ ბსუ-ში.
