2023 წელს გერმანიას თავშესაფრის მოთხოვნით საქართველოს 9 399-მა მოქალაქემ მიმართა, ამის შესახებ ინფორმაციას გერმანიის მიგრაციისა და ლტოლვილთა ფედერალური სამსახური ავრცელებს. გერმანიამ საქართველოდან თავშესაფრის მაძიებელთა განაცხადების 0,3% დააკმაყოფილა.
2023 წლის ბოლო სამი თვის სტატისტიკის თანახმად, საქართველოდან თავშესაფრის მაძიებელთა რაოდენობა შემცირებულია. ოქტომბერში თავშესაფარი 448-მა ადამიანმა მოითხოვა, ნოემბერში – 417-მა, ხოლო დეკემბერში – 351-მა. სულ, 2023 წელს, გერმანიაში თავშესაფარი 351,915-მა ადამიანმა მოითხოვა, რაც წინა წელთან შედარებით 51,1%-ით მეტია.
ინფორმაციისთვის: 2023 წელს გერმანიამ საქართველო უსაფრთხო ქვეყნად ცნო, რაც თავშესაფრის მოთხოვნაზე უარყოფითი პასუხის შემდეგ საქართველოს მოქალაქეების დეპორტაციას აადვილებს.
