„გირჩი – მეტი თავისუფლების“ აჭარის ორგანიზაციის თავმჯდომარემ თემურ გორგაძემ შინაგან საქმეთა სამინისტროს წინააღმდეგ სასამართლო დავა მოიგო.
საქმე 2021 წელს ბათუმში, სახელმწიფო უსაფრთხოების სამსახურის შენობასთან განვითარებულ მოვლენებს უკავშირდება. მაშინ, გორგაძემ პროტესტის ნიშნად სუს-ის შენობასთან ავტომობილი გააჩერა, რის შემდეგაც პოლიციელებმა ის დააკავეს. სასამართლოს გადაწყვეტილებით, მას ადმინისტრაციული პატიმრობა 5 დღე შეეფარდა.
დაკავების შემდეგ თემურ გორგაძემ შსს-ს უჩივლა. საქმე ორივე სასამართლო ინსტანციაში გორგაძის სასარგებლოდ დასრულდა. სააპელაციო სასამართლოს გადაწყვეტილებით, შინაგან საქმეთა სამინისტრო ვალდებულია თემურ გორგაძეს მორალური ზიანის ანაზღაურების მიზნით 500 ლარი გადაუხადოს.
