“ევროკავშირის წევრობის დოკუმენტი გვათარგმნინეთ”, – ბათუმში, შოთა რუსთაველის სახელობის სახელმწიფო უნივერსიტეტთან თარჯიმნებმა საპროტესტო აქცია გამართეს. ისინი ქვეყანაში მიმდინარე პროცესებს ეხმაურებიან.
როგორც თარჯიმნებმა განაცხადეს, მთავარი მოთხოვნაა, რომ საქართველომ ევროინტეგრაციის პროცესი განაახლოს, ამასთან, საპარლამენტო არჩევნების ხელახლა დანიშვნას ითხოვენ. აქციის მონაწილეები, აჭარის მთავრობის მიმართულებით მსვლელობა გამართეს.
“საქართველოს მოსახლეობის საერთო სახალხო მოთხოვნას ვუერთდები თარჯიმნებიც, ჩვენი მცირე მარშით. ძირითადი მოთხოვნაა ხელახალი არჩევნების ჩანიშვნა და უკანონოდ დაპატიმრებული ახალგაზრდების გათავისუფლებას, ასევე, ევროკავშირის გაწევრიანების გზაზე დაბრუნებას”,- აღნიშნა სოფო ნაკაშიძემ, რომელიც თარჯიმანია.
