„ვილმარტის“ მფლობელმა „ქართულ ოცნებას“ 60 ათასი ლარი შესწირა, ამის შესახებ ინფორმაცია საქართველოში მოქმედი პოლიტიკური პარტიების შემომწირველთა ერთიან პორტალზეა ასახული.
შემწირველთა პორტალზე ასახული ინფორმაციის თანახმად, ეს პირველი შემთხვევა არაა, როცა ტარიელ ავჯიშვილი მმართველ პარტიას აფინანსებს. ბიზნესმენს წარსულში „ოცნებისთვის“ 20-20 ათასი ლარი აქვს ჩარიცხული, ჯამში 60 ათასი ლარი.
ტარიელ ავჯიშვილი ცნობილი ბიზნესმენია ბათუმში. საჯარო რეესტრის ინფორმაციით, მის სახელზე რამდენიმე კომპანია ფიქსირდება.
ტენდერების მონიტორინგის პორტალზე ასახული ინფორმაციის მიხედვით, „ვილმარტის“ მფლობელის კომპანიები 971 გამარტივებულ შესყიდვაში მონაწილეობდა და მას ბიუჯეტიდან 329,920.92 ₾ აქვს მიღებული.
