შინაგან საქმეთა სამინისტროს ინფორმაციით, ინტერპოლის წითელი ცირკულარით ძებნილი თურქეთის რესპუბლიკის ორი მოქალაქე აჭარაში დააკავეს. უწყების ცნობით, 1998 წელს დაბადებული უ.ი. და 1992 წელს დაბადებული უ.ჰ. სხვადასხვა დროს აიყვანეს.
ინტერპოლის წითელი ცირკულარით ისინი თურქეთის სამართალდამცავი ორგანოების მოთხოვნით იძებნებოდნენ. გამოძიების ინფორმაციით, უ.ი. განზრახ მკვლელობის ბრალდებით, ხოლო უ.ჰ. საცხოვრებელი ადგილის ხელშეუხებლობის დარღვევის ფაქტზე იყო ძებნილი.
ჩატარებული საგამოძიებო მოქმედებების შედეგად ორივე პირი აჭარის ტერიტორიაზე, სხვადასხვა დროს დააკავეს. ამ ეტაპზე დაკავებულების მიმართ მიმდინარეობს კანონით გათვალისწინებული საექსტრადიციო პროცედურები.
