„აჭარა თაიმსის“ ინფორმაციით, აჭარის ფინანსთა და ეკონომიკის მინისტრად რამაზ ბოლქვაძე ინიშნება. მისი აღნიშნულ თანამდებობაზე წარდგენა რამდენიმე დღეშია დაგეგმილი.
უწყების საზოგადოებასთან ურთიერთობის სამსახურში „აჭარა თაიმსს“ განუცხადეს, რომ მსგავსი ინფორმაცია ამ ეტაპზე არ აქვთ.
თავად რამაზ ბოლქვაძემ ჩვენს სატელეფონო ზარებსა და შეტყობინებას არ უპასუხა.
რამაზ ბოლქვაძე აჭარის ფინანსთა და ეკონომიკის მინისტრის თანამდებობას ერთხელ უკვე იკავებდა.
აჭარის ფინანსთა და ეკონომიკის ყოფილი მინისტრი თანამდებობიდან მას შემდეგ გაათავისუფლეს, რაც მთავრობის თავმჯდომარედ თორნიკე რიჟვაძე დაინიშნა. ამის შემდეგ იგი კერძო სექტორში საქმიანობდა.
განახლება: ინფორმაციის გამოქვეყნების შემდეგ რამაზ ბოლქვაძემ მოგვწერა რომ „არაფერი მსგავსი არ განიხილება“.
