2023 წელს, ქედის მუნიციპალიტეტის მერი, ქვეყნის შიგნით სხვადასხვა ღონისძიებაზე დასასწრებად, მივლინებით, შვიდჯერ იმყოფებოდა, ამის შესახებ იმ დოკუმენტში ვკითხულობთ, რომელიც AJARATIMES.GE-იმ უწყებიდან გამოითხოვა.
საჯარო წერილში ასევე, აღნიშნულია, რომ როლანდ ბერიძე უცხოეთში მივლინებით ერთხელ იმყოფებოდა. ვიზიტებისთვის ქედის მერმა, ბიუჯეტიდან 2 113 ლარი დახარჯა.
მივლინებების ჩამონათვალი ასე გამოიყურება:
- საქართველოს ფინანსთა სამინისტროს მიერ ორგანიზებული ღონისძიება – ,,კარგი ფინანსური მმართველობა ადგილობრივ დონეზე საქართველოში;
- ,,საქართველოს მუნიციპალური განვითარების ფონდი“- სამუშაო შეხვედრა;
- ,,სსიპ სახელმწიფო შესყიდვების სააგენტო“ – სამუშაო შეხვედრა;
- საქართველოს ადგილობრივ თვითმმართველობათა ეროვნული ასოციაციის მიერ ორგანიზებული კონფერენცია;
- ადმინისტარციული სამუშაო შეხვედრა;
- საქართველოს ადგილობრივ ეკონომიკური განვითრების მე-13 ფორუმი;
- საქართველოს ეროვნული სტატისტიკის მიერ ორგანიზებული ღონისძიება – რეგიონული და მუნიციპალური სტატისტიკის პორტალი;
- სასწავლო ვიზიტი გერმანიის ფედერაციულ რესპუბლიკაში, მიუნხენში – ,,გერმანიის ზრდასრულთა განათლების სისტემისა და მთელი სიცოცხლის მანძილზე სწავლების ევროპული კონცეფციის გაცნობა“.
