საქართველოს საზღვაო ტრანსპორტის სააგენტოს მიერ მეზღვაურებისთვის რამდენიმე მომსახურება დროებით უფასო იქნება. სააგენტოს ინფორმაციით, საქართველოს ეკონომიკისა და მდგრადი განვითარების მინისტრის 2026 წლის 8 ივნისის N1-1/204 ბრძანების საფუძველზე, 2026 წლის 22 ივნისიდან 26 ივნისის ჩათვლით საქართველოს მოქალაქეობის მქონე მეზღვაურები გათავისუფლდებიან საქართველოს საზღვაო ტრანსპორტის სააგენტოს მიერ მე-7 სამუშაო დღეს გაწეული მომსახურების საფასურის გადახდისგან.
შეღავათი ვრცელდება შემდეგ მომსახურებებზე:
- მეზღვაურის კომპეტენციის დასადასტურებელი კვალიფიკაციის სერტიფიკატის გაცემა (მატროსი, მოტორისტი);
- მეზღვაურის ნაოსნობის წიგნაკის გაცემა;
- მეზღვაურის საიდენტიფიკაციო ბარათის გაცემა;
სააგენტოს განმარტებით, საფასურის გადახდისგან გათავისუფლებით ისარგებლებენ მხოლოდ საქართველოს მოქალაქე მეზღვაურები და იმ შემთხვევაში, თუ აღნიშნული დოკუმენტების მოქმედების ვადის ამოწურვამდე დარჩენილია მინიმუმ 12 თვე.
