საქართველოს ტერიტორიაზე ფსიქოტროპული მედიკამენტების უკანონო შემოტანის მცდელობა აღკვეთეს.
შემოსავლების სამსახურის ინფორმაციით, საბაჟო კონტროლის ფარგლებში, ეჭვის საფუძველზე, უცხო ქვეყნის მოქალაქის ფიზიკური დათვალიერებისას, მის სხეულზე მალულად განთავსებული 1 581 კაფსულა პრეგაბალინის შემცველი სამედიცინო პრეპარატი აღმოაჩინეს, რომელიც სამ შეკვრად იყო დაფასოებული.
“ფაქტზე გამოძიება საქართველოს სისხლის სამართლის კოდექსის 261-ე და 263-ე მუხლებით მიმდინარეობს, რაც გულისხმობს განსაკუთრებით საშიში ფსიქოტროპული ნივთიერების უკანონო შემოტანის მცდელობას და მისი ტარების წესის დარღვევას,” — წერია გავრცელებულ ინფორმაციაში.
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
