თურქეთის პრეზიდენტმა რეჯეფ თაიფ ერდოღანმა განაცხადა, რომ სამსუნი-ტრაბზონი-სარფის სწრაფი მატარებლის პროექტი განხორციელდება, რომელიც ანკარასა და შავი ზღვის რეგიონს შორის მძლავრ სარკინიგზო ქსელს შექმნის.
ეს პროექტი სამსუნიდან ორდუს, გირესუნის, ტრაბზონის, რიზესა და ართვინის ქალაქებს სწრაფი მატარებლის ხაზით დააკავშირებს, რაც რეგიონში ტრანსპორტირებას გააუმჯობესებს და ეკონომიკურ განვითარებას შეუწყობს ხელს.
გარდა ამისა, როგორც თურქული მედიასაშუალებები წერენ, პროექტი თურქეთსა და მის მეზობელ ქვეყნებს შორის სატრანსპორტო კავშირების გაძლიერებასაც მოემსახურება.
ინფორმაციისთვის: პროექტის დასრულების შემდეგ, შავი ზღვის რეგიონში მგზავრობის დრო შემცირდება, რაც კომერციული ლოგისტიკის დაჩქარებასა და რეგიონის ეკონომიკური პოტენციალის ზრდას გამოიწვევს.
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
