საქართველოს ხელბურთის ვაჟთა ნაკრებმა, „კარპატის თასის“ რუმინეთთან მატჩი მოიგო.
ტიტე კალანდაძის გუნდა, ტურნირის მასპინძლის ნაკრებს 34 – 35 აჯობა. შეხვედრის პირველი ნახევარი 15 – 17, „ჯვაროსნების“ სასარგებლოდ დასრულდა. მეორე ნახევარი რუმინელებმა 19 – 18 მოიგეს.
საქართველოს ნაკრებმა, „კარპატის თასზე“ მეორე ადგილი დაიკავა, ტურნირის გამარჯვებული სერბეთის ეროვნული ნაკრები გახდა.
„კარპატის თასი“ (Trofeul Carpaţi) ყოველ წლიური ამხანაგური ტურნირია, ხელბურთში. შეჯიბრება 1959 წლიდან, რუმინეთის ხელბურთის ფედერაციის ორგანიზებით ტარდება.
ავტორი: დიმიტრი გორგილაძე
