ამ წუთებში სოციალურად დაუცველები და უსახლკაროები ბათუმის მერიასთან აქციას მართავენ. ისინი ბათუმის საკრებულოს თავმჯდომარესა და მერთან შეხვედრას ითხოვენ.
მოქალაქეები “აჭარა თაიმსთან” საუბრისას ამბობენ, რომ წლებია ბინის მიღების მოთხოვნით ხელისუფლებას მიმართავენ, თუმცა უშედეგოდ. გუშინ, მათ სამხედრო ბაზის ყოფილი შენობა დაიკავეს, მაგრამ პოლიციამ მოგვიანებით ისინი ძალისმიერი მეთოდით გამოასახლა.
“ვითხოვთ რამაზ ჯინჭარაძესთან შეხვედრას, ასევე, არჩილ ჩიქოვანთან. გაგვაგებინონ როდის დაკმაყოფილდება ჩვენი მოთხოვნები. დავიღალეთ ქუჩაში ყოფნით და დაპირებებით,” – განაცხადეს საპროტესტო აქციაზე მოქალაქეებმა.
“ხელისუფლება ყოველთვის სხვადასხვა სოციალური ჯგუფის პროტესტისას პრობლემის გადაფარვას ცდილობს. აი მაგალითად, ბოლო ორი დღეა უსახლკაროები აქციას მართავენ, ხვალ კი აჭარის მთავრობამ ოცნების ქალაქში კორპუსების მშენებლობის დასრულება და პრეზენტაცია დაანონსა. რეალურად ამ რეგიონში სოციალური პრობლემები არ უნდა არსებობდეს, რადგან უხვშემოსავლიანია აჭარა. მთავრობის წარმომადგენლები, მათ შორის თორნიკე რიჟვაძე ამ ადამიანებს დღემდე არ შეხვედრია, თითქოს ეს ხალხი სხვა სამყაროდანაა,” – განაცხადა თამაზ ბაკურიძემ ჩვენთან საუბრისას.
აქვე დაგაინტერესებთ ⇓
- რა კატეგორიის უსახლკარო მიიღებს ბინას – მთავრობამ კრიტერიუმები და პროცედურები გამოაქვეყნა
- პოდკასტი: სოციალური პრობლემები აჭარაში – რას ითხოვს ხალხი
