უსახლკაროები ბათუმში, თვითნებურად კიდევ ერთი შენობაში შესახლდნენ, ამის შესახებ AJARATIMES.GE-ის თავად აცნობეს. მათი თქმით, ამჯერად ბაზრის მიმდებარე ტერიტორიაზე, საქართველოს რკინიგზის უფუნქციო შენობა დაიკავეს.
ამბობენ, რომ როცა ხელისუფლება მათი პრობლემებით არ ინტერესდება თავად მოძებნეს გამოსავალი. რკინიგზის ყოფილ შენობაში 30-მდე ოჯახია შესახლებული, მათ ღამის გათევა რთულ პირობებში მოუხდათ.
ინფორმაციისთვის: რამდენიმე დღის წინ სოციალურად დაუცველები თევზის ბაზრის მიმდებარედ და სოფელ ბუკნარში არსებულ უფუნქციო შენობებშიც შესახლდნენ. უსახლკაროები საპროტესტო აქციებს ბოლო რამდენიმე წელია მართავენ და ფართობებით დაკმაყოფილებას უშედეგოდ ითხოვენ. ხელისუფლება მათ მოთხოვნებს ამ დრომდე ვერ აკმაყოფილებს.
თუ „აჭარა თაიმსის“ მასალებს იყენებთ, აუცილებელია წყაროსა და პოსტის ბმულის მითითება. მასალის გადაბეჭდვის შემთხვევაში გაითვალისწინეთ ვალდებულება, ასევე, პატივი ეცით სხვის შრომას.
