ერზრუმში გაუმართავი ქართული თვითმფრინავი 12 წლის შემდეგ დაშალეს. მფრინავი საშუალების რესტორნად ან კაფედ გადააკეთება იგეგმება, ამის შესახებ თურქული მედიასაშუალებები იტყობინებიან. მათი ინფორმაციით, თვითმფრინავი, რომელსაც 2011 წელს ვანში მომხდარი მიწისძვრის დროს საქართველოდან სამაშველო მასალები გადაჰქონდა ავარიისას მწყობრიდან გამოვიდა.
“თვითმფრინავი, რომელიც აეროპორტში გაჩერებული იყო მისი საქართველოში ტრანსპორტირება 12 წლის განმავლობაში ვერ მოხერხდა. ერზრუმის აეროპორტში გაჩერებული თვითფრინავი სახელმწიფო აეროპორტების სამმართველოს გენერალურმა დირექტორატმა ტენდერის მეშვეობით გაიყიდა,” – წერს თურქული მედია.
თვითმფრინავი 1,8 მილიონ ლირად ერზრუმელმა ბიზნესმენმა იყიდა. ტაიფუნ ალაგაში თვითმფრინავის კაფედ ან რესტორნად გადაკეთებას გეგმავს.
ინფორმაციისთვის: SKY Georgia Airlines-ის კუთვნილი „ილიუშინგი ილ-76TD“ ტიპის სატრანსპორტო თვითმფრინავი, რომელიც საქართველოდან 2011 წლის 30 ოქტომბერს კარვებით დატვირთული აფრინდა და ღამით ერზრუმის აეროპორტში დაეშვა, ყირგიზეთის თვითმფრინავის ფრთას შეეჯახა.
