ქედის მუნიციპალიტეტის მერია 2023 წლის საახალწლო ღონისძიებების ორგანიზებისთვის ბიუჯეტიდან ფულს არ დახარჯავს. AJARATIMES.GE-ის მიერ უწყებიდან გამოთხოვილ საჯარო ინფორმაციაში ვკითულობთ, რომ ღონისძიებები ადგილობრივი ბენდების, ინდივიდუალური შემსრულებლების, ფოლკლორული და ქორეოგრაფიული ანსამბლების მონაწილეობით გაიმართება.
“საახალწლო ღონისძიებები 22 დეკემბერს ნაძვის ხის ანთებით დაიწყო და 12 იანვარს დასკვნითი კონცერტით დასრულდება. პარალელურად 10-ვე ადმინისტრაციულ ერთეულში გაიმართება საახალწლო კონცერტების კვირეული,” – გვითხრეს ქედის მერიაში.
ქედის მერიამ წელს, საახალწლო განათებები და ილუმინაციები შეიძინა, რომლისთვისაც 53 100 ლარი დაიხარჯა. უწყებაში განმარტეს, რომ მუნიციპალიტეტმა ასევე, საქართველოს მთავრობის ადმინისტრაციისგან საახალწლო ილუმინაციები მიიღო საჩუქრადა.
