შენიშვნა: მასალის თავდაპირველ ვერსიაში ეწერა, რომ “ქართულ ოცნებას” თანხა ქედის მერის მოადგილემ შესწირა, რაც სიმართლეს არ შეესაბამება. სამწუხაროდ, ჩვენმა რედაქციამ ფაქტების გადამოწმებისას დაუშვა შეცდომა, რისთვისაც ბოდიშს ვიხდით და მასალას ვარედაქტირებთ. სინამდვილეში, “ოცნებას” 60 ათასი ლარი, იგივე სახელისა და გვარის მქონე ადამიანმა შესწირა, რომელიც არის ბიზნესმენი და არა ჩინოვნიკი.
ბიზნესმენმა მამუკა ფარტენაძემ, „ქართულ ოცნებას“ 60 000 ლარი შესწირა. ცნობისთვის, 60 ათასი ლარი პარლამენტარისთვის, დაახლოებით, 1 წლის ხელფასია.
დაინტერესტდით, თუ რა ქონებას ფლობს ბიზნესმენი, რომელმაც მმართველ გუნდს მეორეჯერ შესწირა 60 ათასი ლარი. როგორც ჩვენს მიერ მოპოვებული ინფორმაციით დგინდება, მამუკა ფარტენაძე საქართველოში მოქმედი ოთხი კომპანიის მეწილეა:
- შპს მმმ ჯგუფი (100%);
- შპს მმმ & გდ ჯგუფი (100%)
- შპს დაფ სერვის + (50%);
- „შპს პროფესიონალ აუტო სერვისი“ (50%)
საყურადღებოა, რომ საქართველოს ეროვნულ საჯარო რეესტრში რეგისტრირებულ კომპანიას შპს „მმმ ჯგუფს“ აჭარის რეგიონში ხელისუფლების დაკვეთით, სარაერთი უმსხვილესი სამუშაოები განუხორციელებია. მათ შორისაა ქ. ბათუმის აეროპორტის გზატკეცილზე, ავტოგასამართი სადგურის მოწყობა ექსპლოატაციის პროექტი, რომელიც ფარტენაძის კომპანიამ საქართველოს გარემოს დაცვისა და სოფლის მეურნეობის სამინისტროსთან 2022 წელს გაფორმებული ხელშეკრულების ფარგლებში შეასრულა. თანამშრომლობა გულისხმობდა, ე.წ აეროპორტის დასახლებაში ქედის მერის მოადგილის კომპანიის მიერ, თხევადი საწვავების (ბენზინი და დიზელი) საწარმოს საცავებში განთავსებასა და რეალიზაციას. ვრცლად დოკუმენტი შეგიძლიათ იხილოთ აქ:
„აჭარა თაიმსმა“ გაარკვია, რომ ხელვაჩაურში, სოფელ ზანაქიძეებში რეგისტრირებული კომპანია, თავდაპირველად მუხამედ ფარტენაძის მფლობელობაში იყო, თუმცა 2021 წლიდან 100%-იანი წილის მფლობელი მისი შვილი, მამუკა ფარტენაძეა.
