ხელვაჩაურის მერიასთან “ნაციონალური მოძრაობის” წევრებმა აქცია გამართეს და საქართველოს პარლამენტის მაჟორიტარ დეპუტატთან შეხვედრა მოითხოვეს. მათი თქმით, ანზორ ბოლქვაძეს კითხავენ თუ რატომ დაუჭირა მხარი რუსულ კანონს.
“83 მონა”, “არა რუსულ კანონს”, “არა რუსულ მთავრობას” – ასეთი წარწერები ჰქონდათ ოპოზიციის წარმომადგენლებს ბანერებზე, რომლებიც მოგვიანებით მერიის შესასვლელ კარებზე მიამაგრეს.
“ნაციონალური მოძრაობის” წევრებს შენობაში შეღწევისა და მაჟორიტარი დეპუტატის კაბინეტთან მისვლის მცდელობა ჰქონდათ, რაც დაპირისპირებაში გადაიზარდა. დაცვისა და მერიის თანამშრომლები ოპოზიციას სიტყვიერად დაუპირისპირდნენ.
“რუსი ოლიგარქის 83 მონისგან ერთ ერთი სამარცხვინო ანზორ ბოლქვაძეა, რომელიც გამოკეტილია კაბინეტში. ის ვერ ხვდება მოქალაქეებს და ვერ ხსნის რატომ დაუჭირა მხარი რუსულ კანონს. ასეთი დეპუტატები არ უნდა იჯდნენ პარლამენტში. დღეს კიდევ ერთხელ გავაგონეთ ჩვენი სათქმელი,” – განაცხადა აქციაზე მიშა ბოლქვაძემ.
აქციის დასრულების შემდეგ ხელვაჩაურის მერიის თანამშრომლები მედიის წარმომადგენლებს დაუპირსიპირდნენ. 20-მდე აგრესიული თანამშრომელი ჟურნალისტებისგან ითოვნდნენ განმარტებებსა და “ოპოზიციის დაგმობას”.
ინფორმაციისთვის: რუსულ კანონს აჭარიდან მხარს ანზორ ბოლქვაძესთან ერთად ზაალ მიქელაძე და რესან კონცელიძეც უწერენ.
