“ლელო” პროკურატურას მიმართავს და იმ ხელშეკრულებების შესწავლას ითხოვს, რომლის მიხედვითაც ხულო-ზარზმის გზის მშენებლობა უნდა განხორციელებულიყო. პარტიაში ვარაუდობენ, რომ ხელისუფლებასა და ჩინურ კომპანიას შორის კორუფციული გარიგებები იყო, რამაც საერთაშორისო გზის მშენებლობა შეაფერხა.
მათი შეფასებით, სამუშაობის შეუსრულებლობამ შეაფერხა კურორტ გოდერძის განვითარებაც.
“მივმართავთ პროკურატურას დაუყოვნებლივ შეიწავლოს იმ კომპანიების საქმიანობა, რომლებიც 8 წლის განმავლობაში ამ მნიშვნელოვანი გზის მშენებლობას ახორციელებდნენ და სამუშაობის 30 პროცენტით არ არის შერულებული. უნდა დაისაჯონ ის პირები, რომლებიც ხელოვნურად აფერხებდნენ გზის მშენებლობას,” – განაცხადა ბრიფინგზე გენო თებიძემ, “ლელოს” ბათუმის ორგანიზაციის ხელმძღვანელმა.
ინფორმაციისთვის: საქართველოს მთავრობამ კომპანია “სინოჰიდროსთან” კონტრაქტი შეწყვიტა, შესაბამისად ხულო-ზარზმის 47 კილომეტრიანი გზის მშენებლობა კვლავ შეჩერდა.
ეკონომიკის მინისტრის განცხადებით, კონტრაქტორ კომპანიას პროგრესი არ გააჩნდა, ამიტომაც ხელშეკრულების მოშლის გადაწყვეტილება მიიღეს. ამასთან ლევან დავითაშვილის ინფორმაციით, გამოცხადდება ახალი ტენდერი, რათა სწრაფად მოიძებნოს სამშენებლო კომპანია, რომელიც 2024 წელსვე შეასრულებს სამუშაოებს.
ხულო-ზარზმის გზის რეაბილიტაცია 2018 წლიდან შეფერხებებით მიმდინარეობს.
