მუნიციპალურმა ავტობუსებმა №2, №2ა, №7, №7ა, №9 და №15 მოძრაობა განაახლეს, ამის შესახებ ავტოტრანსპორტი იტყობინება. თუმცა როგორც ირკვევა ზოგიერთ მიმართულებაზე ავტობუსი სრულ მარშუტზე არ იმოძრავებს.
შპს “ბათუმის ავტოტრანსპორტის” მიერ გავრცელებული ინფორმაციის თანახმად:
- №2 – იმოძრავებს აეროპორტის წრიულიდან ჭავჭავაძის ქუჩის გავლით თაბუკაშვილის ქუჩამდე;
- №2ა – იმოძრავებს კაჩინსკების ქუჩიდან ჭავჭავაძის ქუჩის გავლით თაბუკაშვილის ქუჩამდე;
- №7 და №7ა – გადაადგილდებიან ჩვეული მარშრუტით;
- №9 – იმოძრავებს ნონეშვილის ქუჩიდან გორგილაძის ქუჩის გავლით აეროპორტის წრიულამდე;
- №15 – იმოძრავებს ზედა ღელის ასახვევიდან გორგილაძის ქუჩის გავლით ნონეშვილის ქუჩამდე;
“ამ ეტაპზე 27 სამარშრუტო ხაზიდან 21-ზე მოძრაობა უკვე აღდგენილია, ხოლო დარჩენილ მიმართულებებზე ავტობუსების მოძრაობა ეტაპობრივად აღდგება,” – აცხადებენ ავტოტრანსპორტში.
ცნობისთვის: თოვლისა და გაუწმენდავი გზების გამო, სამი დღის განმავლობაში ბათუმში მუნიციპალური ტრანსპორტი არ მოძრაობდა. სკოლებსა და ბაღებში კი პროცესი 4 მარტს განახლდება.
