ბათუმში საკეისრო კვეთის შედეგად გარდაცვლილ ქალთან დაკავშირებით, საქართველოს შინაგან საქმეთა სამინისტრომ გამოძიება “სისხლის სამართლის კოდექსის” 116-ე მუხლით დაიწყო, რაც სიცოცხლის მოსპობას გაუფრთხილებლობით გულისხმობს.
ინფორმაციისთვის: შემთხვევა გუშინ მოხდა. AJARATIMES.GE-ის ინფორმაციით, პაციენტი კლინიკა ბაუს რეანიმაციულ განყოფილებაში იყო მოთავსებული. სამედიცინო დაწესებულებაში განმარტეს, რომ პაციენტი, ბაუში უკვე მძიმე მდგომარეობით მიიყვანეს.
ახალგაზრდა ქალს საკეისრო კვეთა კლინიკა BMC-ში ჩაუტარდა, სადაც ”აჭარა თაიმსს” კომენტარზე უარი განუცხადეს. სამედიცინო დაწესებულებაში მხოლოდ ის გვითხრეს, რომ ახალშობილის ჯანმრთელობის მდგომარეობა სტაბილურია.
