შსს-ს ინფორმაციით, საქართველოდან გაძევებულები არიან ინდოეთის, თურქეთის, ჩინეთის, პაკისტანის, თურქმენეთის, ერაყის, ეგვიპტის, აზერბაიჯანის, იორდანიისა და ჩადის მოქალაქეები. უწყების განმარტებით, მოქმედი კანონმდებლობის შესაბამისად, მათ საქართველოს ტერიტორიაზე შემოსვლის აკრძალვა დაუწესდათ.
შინაგან საქმეთა სამინისტროს განცხადებით, მიგრაციის დეპარტამენტი პასუხისმგებელია ქვეყნის შიგნით უკანონო მიგრაციის წინააღმდეგ ბრძოლაზე. მისი ერთ-ერთი ძირითადი ამოცანაა საქართველოში სამართლებრივი საფუძვლის გარეშე მყოფი უცხო ქვეყნის მოქალაქეების გამოვლენა და შესაბამისი სანქციების, მათ შორის გაძევების, განხორციელება.
