„ქართული ოცნების“ სპეციალური პენიტენციური სამსახურის ინფორმაციით, მსჯავრდებული, მესამე პრეზიდენტი მიხეილ სააკაშვილი კლინიკა „ვივამედიდან“ N12 პენიტენციურ დაწესებულებაში დაბრუნდა.
როგორც უწყება აღნიშნავს, სააკაშვილი 2022 წლის 12 მაისს კლინიკაში სტაციონარული სამედიცინო მომსახურების მისაღებად გადაიყვანეს, სადაც დღემდე იმყოფებოდა და მკურნალობას გადიოდა.
პენიტენციური სამსახურის განცხადებით, სააკაშვილის ჯანმრთელობის მდგომარეობა ამ დროისთვის დამაკმაყოფილებელია და მას აღარ სჭირდება სტაციონარული მკურნალობა.
„საქართველოს კანონმდებლობის შესაბამისად, სამოქალაქო სექტორის საავადმყოფოდან პაციენტის პენიტენციურ დაწესებულებაში დაბრუნება ხორციელდება მისი ჯანმრთელობის მდგომარეობის გათვალისწინებით მკურნალი ექიმის გადაწყვეტილების საფუძველზე. ვინაიდან, მსჯავრდებულ მიხეილ სააკაშვილის ჯანმრთელობის მდგომარეობა არის დამაკმაყოფილებელი და მას აღარ ესაჭიროება სტაციონარული მკურნალობა, ის გამოწერილ იქნა სამოქალაქო სექტორის კლინიკიდან და დაბრუნდა N12 პენიტენციურ დაწესებულებაში,“ – ნათქვამია უწყების განცხადებაში.
მიხეილ სააკაშვილი კლინიკა „ვივამედში“ 2022 წლიდან მკურნალობდა.
