საქართველოში, პროევროპული პროტესტი არ წყდება და უკვე 100 დღეა, რაც მოქალაქეები, აქტივისტები და ოპოზიციური პარტიები ქუჩებში გამოდიან. მათი მთავარი მოთხოვნაა ევროინტეგრაციის პროცესის განახლება, ახალი არჩევნების ჩატარება და დაპატიმრებული პირების გათავისუფლება.
დღეს ბათუმში გამართულ აქციაზე, აჭარის მთავრობის სახლთან შეკრებილმა დემონსტრანტებმა ისაუბრეს პროტესტის მუხტსა და მის მნიშვნელობაზე. მოთხოვნები კვლავ უცვლელია, თუმცა აქციის მონაწილეები განსაკუთრებულად ხაზგასმით აღნიშნავდნენ ქვეყანაში დემოკრატიული ცვლილებების აუცილებლობას.
მოგვიანებით, პროტესტის მონაწილეებმა ბათუმის ქუჩებში საპროტესტო მარში გამართეს, სადაც კვლავ დააფიქსირეს თავიანთი მოთხოვნები, რომლებიც ევროინტეგრაციის გზის გაგრძელებასა და ქვეყანაში სამართლიანობის აღდგენას ითვალისწინებს.
