„ფეხბურთის კლუბმა „გონიომ“ საქართველოს ეროვნული ლიგა II-ის პირველი ტურის მატჩი „ლოკომოტივთან“ ფრედ 1:1 დაასრულა. გორში, თენგიზ ბურჯანაძის სახელობის სტადიონზე გამართული შეხვედრა დაძაბული გამოდგა. მატჩის პირველი გოლი ლაშა მენთეშაშვილმა (ლოკომოტივი) მეექვსე წუთზე პენალტით გაიტანა. „გონიომ“ ანგარიში 35-ე წუთზე კახა კახაბრიშვილის გოლით გაათანაბრა.
როგორც ცნობილია, „ფ.კ. გონიო“ საქართველოს ეროვნული ლიგა II-ში პირველ სეზონს ატარებს, მას შემდეგ, რაც 2024 წელს ლიგა III-ის ჩემპიონი გახდა და ეროვნული ლიგა II-ში ასვლა მოახერხა.“
ავტორი: დიმიტრი გორგილაძე
