უკვე 21-ე დღეა, რაც ბათუმში, ადამიანები უცვლელი მოთხოვნებით აჭარის მთავრობის სახლთან იკრიბებიან. ისინი კვლავ, აქციებზე რეჟიმის მიერ უკანონოდ დაკავებული პირების გათავისუფლებას, ხელახალ არჩევნებსა და იმ პირების დასჯას ითხოვენ, რომლებიც მშვიდობიან მოქალაქეებს სასტიკად გაუსწორდნენ.
“დღეს, საგარეო პოლიტიკასთან დაკავშირებით ბევრი კითხვის ნიშნებია. დღეს გაყალბებულ არჩევნებზე ვსაუბრობთ, ჩატარდეს სამართლიანი არჩევნები, საზოგადოებამ უნდა განსაზღვროს პროპორცია. ყველაფერი ძალიან კარგად მიდის, პროტესტი დღითიდღე იზრდება, ყველა ქალაქში. ადამიანები საჭირო დროს არიან იქ სადაც უნდა იყვნენ. ვცხოვრობ იქ, სადაც განსხვავებული აზრის გამო ადამიანებს ციხეში სვამენ. ვიბრძოლებთ და პროცესს ვერავინ შეაჩერებს ეს დროის საკითხია, – რეჟიმის ტყვეები დატოვებენ ციხეს. პროტესტი იზრდება, ასე არასდროს ყოფილა”,- განაცხადა აქციის ერთ-ერთმა მონაწილემ.
