65-ე ღამესაც, მოთხოვნები უცვლელია: პატიმრების გათავისუფლება და ახალი არჩევნები. აჭარის მთავრობასთან ტრადიციული აქცია განახლდა. ამჯერად, აქციის მონაწილეებმა გზა გადაკეტეს ახალი ფორმით: ისინი მონაცვლეობით, ინტენსიურად გადადიოდნენ ზებრაზე, რითაც საავტომობილო მოძრაობა დაბლოკეს გამსახურდიას ქუჩაზე.
ეს მეთოდი, რომელიც შესაძლოა ზოგისთვის უჩვეულოდ ჟღერდეს, მთელი მსოფლიოს მასშტაბით გამოიყენება როგორც პროტესტის გამოხატვის ფორმა. პოლიცია ცდილობდა აქციის მონაწილეების ტროტუარზე გადაყვანას და გზის გათავისუფლებას, თუმცა მოქალაქეები არ დათანხმდნენ. სამართალდამცველები აცხადებდნენ, რომ გზის გადაკეტვა ხელოვნურად დასჯადია, თუმცა აქციის მონაწილეები თვლიდნენ, რომ მათი ქმედება კანონის ფარგლებში იყო.
„ჩვენ არ ვაგრძელებთ ბრძოლას მხოლოდ ჩვენთვის, არამედ მთელი საზოგადოების თავისუფლებისთვის. სანამ ჩვენი მოთხოვნები არ შესრულდება, ჩვენ აქ ვიქნებით,“ – აცხადებდნენ აქციის მონაწილეები.
აქცია მშვიდობიან გარემოში მიმდინარეობდა, თუმცა პოლიციისა და მოქალაქეების შორის სიტყვიერი დაპირისპირების ნიშნები რამდენიმე წუთით არსებობდა. საპროტესტო მიტინგების 65-ე ღამე აჭარაში კვლავ იმით დაამახსოვრდა საზოგადოებას, რომ აქციის მონაწილეები აქტიურად აგრძელებენ პროტესტს.
https://www.facebook.com/ajaratimes/videos/1555515808280889/
