ტკივილი ანუსის მიდამოში, გაღიზიანება, დისკომფორტის, ქავილისა და უცხო სხეულის შეგრძნება უკანა ტანში, სისხლდენა დეფეკაციის დროს — სწორედ ეს სიმპტომები ახასიათებს ძირითადად ჰემოროიდულ დაავადებას, იგივე ბუასილს.
ჰემოროდი მსოფლიოში ერთ-ერთი ყველაზე გავრცელებული დაავადებაა, თითქმის ყოველ მესამე ადამიანს ოთხი ზრდასრულიდან ბუასილი აწუხებს. ამ დაავადებას სხვადასხვა გამომწვევი მიზეზი აქვს და განსხვავებულ მკურნალობას ექვემდებარება ავადობის სირთულისა თუ სიმპტომატიკის მიხედვით.
ჰემოროიდული დაავადების ნებისმიერ შემთხვევა საყურადღებოა და თვითმკურნალობა არ არის გამართლებული. აუცილებლად და დროულად უნდა მიმართოთ ექიმს ზუსტი დიაგნოზისთვის და მკურნალობის მეთოდის დადგენისთვის. ერთ-ერთი მედიკამენტი, რომელსაც ექიმები ბუასილის მქონე პაციენტებს უნიშნავენ დეტრალექსია. უფრო მეტს მედიკამენტის შესახებ და თუ როგორ უნდა მიიღოთ დეტრალექსი ბუასილის დროს ბლოგიდან გაიგებთ.
ამ სტატიაში მოგიყვებით რა არის ჰემოროიდული დაავადება, რა გამომწვევი მიზეზები არსებობს, ასევე რა შემთხვევებში და როგორ გამოყენება მედიკამენტი დეტრალექსი მის სამკურნალოდ.
- რა არის ჰემოროიდული დაავადება, იგივე ბუასილი?
ჰემოროიდული დაავადების დროს სწორი ნაწლავისა და ანუსის ქვედა ნაწილში ვენები გადიდებულია. დაავადება ვითარდება მაშინ, როდესაც სწორი ნაწლავის კავერნოზულ ვენებში სისხლის მიმოქცევის რეგულაცია დარღვეულია, ანუ მაშინ როდესაც სისხლის უკუადინება სწორი ნაწლავის კავერნული სხეულიდან ვენეულებში დარღვეულია. ეს კი, სისხლის შეგუბებას იწვევს.
შესაძლოა, თავდაპირველად ბუასილი უსიმპტომოდ მიმდინარეობდეს, თუმცა თუკი სიმპტომები შესამჩნევია, ისინი ძირითადად შემდეგია: ტკივილი ანუსის მიდამოში, გაღიზიანება, დისკომფორტის, ქავილისა და უცხო სხეულის შეგრძნება უკანა ტანში, სისხლის კვალი ტუალეტის ქაღალდზე, ან განავალზე.
გაითვალისწინეთ, რომ ბუასილის სიმპტომები იმაზეც არის დამოკიდებული, თუ სად მდებარეობს კვანძები. მაგალითად, როდესაც ჰემოროიდი სწორ ნაწლავშია, ეს შიდა ბუასილია. გარე ბუასილის დროს — ჰემოროიდი არის ანუსის გარშემო კანქვეშ. ასევე, ზოგჯერ სისხლი შესაძლოა შეგუბდეს შიდა ჰემოროიდულ კვანძში და ფორმირდეს თრომბად, ამ დროს სახეზე გვაქვს — თრომბირებული ბუასილი.
ბუასილის განვითარების მიზეზი გარდა გენეტიკური მიდრეკილებისა, შესაძლოა იყოს: ქრონიკული ყაბზობა ან ფაღარათი, არასწორი კვების რეჟიმი, ალკოჰოლის ჭარბი მოხმარება, სითხის არასაკმარისი რაოდენობით მიღება, ორსულობა/მშობიარობა, მუდმივად მჯდომარე ან მდგომარე ცხოვრების წესი, მძიმე ფიზიკური დატვირთვა თუ სხვა. ნებისმიერ შემთხვევაში ბუასილის სიმპტომები შესაძლოა, მნიშვნელოვან დისკომფორტს იწვევდეს და მკვეთრად აქვეითებდეს თქვენი ცხოვრების ხარისხსს. ამიტომაც გადამწყვეტია დროული კონსულტაცია ექიმთან და მკურნალობის შესაბამისი გეგმის დასახვა.
- დეტრალექსი ჰემოროიდული დაავადების სამკურნალოდ
მიიღეთ დეტრალექსი თქვენი ექიმის ზუსტი დანიშნულებით. დეტრალექსის მიღების წესი და ხანგრძლივობა განსხვავებულია იმის მიხედვით, იღებთ მას ქრონიკული ვენური დაავადებების სამკურნალოდ, თუ ბუასილის შეტევის დროს.
დეტრალექსის მიღებამდე გაეცანით მის ანოტაციას. თუკი გაქვთ ჰიპერმგრძნობელობა მის შემადგენელ ძირითად, ან დამხმარე კომპონენტებზე, მედიკამენტ დეტრალექსის მიღება უკუნაჩვენებია. ყურადღებით წაიკითხეთ დეტრალექსის გვერდითი ეფექტებისა და სიფრთხილის ზომების შესახებ, დამატებითი კითხვების შემთხვევაში კი, მიმართეთ თქვენს მკურნალ ექიმს.
ანოტაციის მიხედვით, დეტრალექსის სქემა ბუასილის დროს შემდეგია: 4 დღის განმავლობაში, 3 ტაბლეტი დღეში (1 დილას, 1 სადილის დროს და 1 საღამოს). შემდეგი 3 დღის განმავლობაში, მიიღეთ მხოლოდ 2 ტაბლეტი დღეში (1 დილას და 1 საღამოს). როგორც დეტრალექსის თვითნებურად დაწყება, ასევე შეწყვეტა არ შეიძლება.
